قسوة الشوق

من طرف **دلوعة حبيبي** السبت أكتوبر 10, 2009 10:42 pm

قسوة الشوق

ٍٍٍٍٍٍٍٍٍٍٍٍٍٍٍٍٍٍٍٍٍ

(1)

ياخذني الشــوك الـك غصـبا عني واحلف
من اشوفك افرغ كل جلمات كلبي واسولف

اكول يا حبيبي

فراكك كتلني ** كثر علي وني ** واني بلياك جني
مو من اهل هذا الزمان
^^^

اتمنى كل لحظة اشوفك ** افرح واتعطر ابشوفك ** لاتظن ياعيني اعوفك
لان وياك اني مو ندمان
^^^

ساكن بكلبي وبروحي ** وانت سبب كل نوحي ** وانت الدوا لجروحي
واني بدونك تايه وحيران
^^^

خفف بجيتك آلامي ** حقق بيها احلامي ** ثق يابهجة ايامي
تراني بحبك هايم ولهان
^^^

يكفي ابعدك لوعتي ** نشف بيدك دمعتي ** هدأ خوفي وروعتي
خليني اصير وياك بكل مكان
^^^

بسك بعد وسهر ** متت ضيم وقهر ** سكاني غرامك مر الأمر
اسكيني من عسل وجنتك فنجان
^^^

ياكل شعوري وحلاوة احساسي
يلبيك سعدي ورفعة راسي
احس بغيابك غريب واني بوسط ناسي
المكان اليجمعني بيك الكه بيه الأمان

(2)

لكن من اشوفك انسى روحي واظل خايف
وتتعثر الجلمات . وتموت . فوك الشفايف

وتحيط روحي بيك
وترفرف حواليك
وبزحمة العذاب انتبه
ويجرجرني الشوك اليك

وحيل يقربني منك
ومن انفاسك اشمك
واتمنى باحضاني اضمك
واصير وياك وجه بوجه
وكل احاسيسي الك تتجه
ويتوقف عندي كل ذاك الكلام
وبالنظرات الثاقبات المليانه غرام
ابعث لك السلام
واشكي لك الهيام
واحاجيك باحلى الانغام
القيه على وجهك السعيد
وابحر بنص عيونك وياخذني الموج بعيد
ويمرجحني ** ويرجعني
واصرخ واصيح بصمت

يا حبيبي

امنحني نظرة امل
روحي عطشانة النظرة من سحر عيونك
نظرة فرح تبعث الحياة بعروك كلبي الذبلتهه بصدودك
وخليني اغفى بين جفونك

وابد ماخونك *** وابد ماخونك