ياعيوني هلي بدمعك على الخد انثريه لاجل مخلوق (ن) ملكني بالبشر ماالقى بديله

من طرف **همسة الروح** السبت أكتوبر 17, 2009 8:39 pm

ياعيوني هلي بدمعك علـى الخـد انثريـه
لاجل مخلوق (ن) ملكني بالبشر ماالقى بديله

ماعرفت الا وصوفه ايه احبـه ايـه ايـه
له حروف(ن) ينعشني مايجيب الا الجزيلـه

اتمنى جيتـه فـي كـل لحظـه وارتجيـه
ماكحلت العين في شوفه وروح في سبيلـه

يابعد قلب(ن) وروحن تهتـوي والله تجيـه
ضامية والحال من بعده ترى صارت نحيله

اشتكي همي على خلي وهو لـي يشتكيـه
من فراقه زادت الحمى على قلبـي مليلـه

طول ليلي مادرى اني في غيابـه محتريـه
اتذكر جيتـه لـي دايـم(ن) حـزة مقيلـه

لابس (ن) تاج الجمـال ويستحقـه معتليـه
ماارتوي من وبله اللي مثل همال المخيلـه

الله اللي صوره بيـن المـلا مالـه شبيـه
الحبيب اللي براني نادر(ن) في وسط جيله

وان لفاني صاحبي يبشـر بعـزه وافتديـه
ادعي الله مايحد اللي نفحنـي مـن عليلـه

قلت قول(ن) كان ودي ياغلا القلب احكيـه
ابتدينـا وانتهينـا ماشفـا كـل(ن) غليلـه

منقووول