اصبر وربَّي يسهّلها ياشارع شهـار

السلام عليكم ورحمة الله..

أعذروني على طول الغياب..

وتقبلوا هذه الأبيات العاجله عسى أن تنال إعجابكم

ياهاجس الشعر حضّر والقصيد أسرجه

يالين تغدي بيوته مثل قُّحص المهـار!!

الشعر من شاعره والفلم مـن مُخرجـه

وشمس الحقيقه حقيقه ماعليها غبار!!

ياهاجسً في سما أبداع الشعر معرجـه

حلق بنـا مانبـي طيـاره ولامطـار!!

والوصف حاول على ماشفت تستدرجه

في واحدٍ يوم قبَّل فالطريـق أستـدار!!

واقفى بمشي الدلاعه كن فيـه إعرجـه

من ميلةٍ فاليمين ..وميلـةٍ فاليسـار!!

لين أعترض له رصيفً فالطريق أحرَجه

يا الّليل يرخي سدوله..يا يبين النهار!!

ولا زدت غير أندهاش لدهشة التفرجـه

والمدرسه..بابها مابيـن جنّه..ونـار!!

مابيـن طلّـة قمر16فـوق أدرجــه

ومابين غيبة قمر16 خلـف الستـار!!

والشارع من المحبّه ينتظـر مَخرجـه

ورصيفه يقول:ياصَبري على الأنتظار!!

والصبر مهما يطول..الله سريع أفرجـه

اصبر وربَّي يسهّلها ياشارع شهـار!!

وأنا على البال ماباقـي كـلام أهرجـه

ألاّ عسى الأسئله صح/وخطأ/وإختيار!!

وأن كان للزين فنظام الـدروس درجـه

يأخذ 100من100في صالة الأختبـار!!

وسلامتكم